Home సినిమాలు గూని గెటప్ లో రావు రమేష్ ని చూశారా..?

గూని గెటప్ లో రావు రమేష్ ని చూశారా..?

95
0
Rao Ramesh’s First Look In Maha Samudram Released On His Birthday

విల‌క్ష‌ణ న‌టుడు రావు ర‌మేష్ పుట్టిన‌రోజు సంద‌ర్భంగా ప్రేక్ష‌కులు ఎంత‌గానో ఎదురు చూస్తున్న మ‌హా స‌ముద్రం చిత్రం నుండి రావుర‌మేష్ కి బ‌ర్త్‌డే విషెస్ తెలుపుతూ ఫ‌స్ట్ లుక్ పోస్ట‌ర్ ని విడుద‌ల చేసింది చిత్ర యూనిట్‌. ఈ పోస్ట‌ర్‌తో పాటు ఈ మూవీలో రావు ర‌మేష్ గూని బాబ్జీగా ఒక కీల‌క పాత్ర‌లో న‌టిస్తున్న‌ట్లు తెలిపింది. ఇలాంటి ఒక ఛాలెంజింగ్ రోల్‌కి రావు రమేష్ త‌న‌దైన న‌ట‌న‌తో పూర్తి న్యాయం చేస్తారని ఖచ్చితంగా చెప్పవచ్చు.

యంగ్ హీరోస్ శ‌ర్వానంద్‌, సిద్దార్ధ్ ప్ర‌ధాన పాత్ర‌ల‌లో న‌టిస్తున్న మ‌హాస‌ముద్రం చిత్రాన్ని దర్శకుడు అజయ్ భూపతి ఎంతో ప్రతిష్టాత్మకంగా తెర‌కెక్కిస్తున్నారు. ఇప్ప‌టికే ఈ చిత్రం నుండి విడుద‌లైన శ‌ర్వానంద్‌, సిద్దార్ధ్‌, అధితిరావు హైద‌రి, అనూ ఇమాన్యూయేల్, జ‌గ‌ప‌తిబాబు లుక్స్‌కి మంచి రెస్పాన్స్ వ‌చ్చింది. ఇంటెన్స్ ల‌వ్ అండ్ యాక్ష‌న్ డ్రామాగా రూపొందుతోన్న ఈ చిత్రాన్ని ఏకే ఎంట‌ర్‌టైన్‌మెంట్స్ ప‌తాకంపై సుంక‌ర రామ‌బ్ర‌హ్మం నిర్మిస్తున్నారు.

అదితిరావు హైద‌రి, అనూ ఇమాన్యూల్ ఫీమేల్ లీడ్ రోల్స్‌లో న‌టిస్తున్నారు. చేత‌న్ భ‌ర‌ద్వాజ్ సంగీతం అందిస్తున్న ఈ చిత్రానికి రాజ్‌తోట సినిమాటోగ్రాఫ‌ర్‌గా వ్య‌వ‌హ‌రిస్తున్నారు. కేఎల్ ప్ర‌వీణ్ ఎడిట‌ర్‌, కొల్ల అవినాష్ ప్రొడ‌క్ష‌న్ డిజైన‌ర్‌గా వ‌ర్క్ చేస్తున్నారు.

LEAVE A REPLY

Please enter your comment!
Please enter your name here